10.3. QOVURDOQ, QOVURMA VA KABOB HAMDA DIMLAMA

10.3. QOVURDOQ, QOVURMA VA KABOB HAMDA DIMLAMA

Qovurdoq asosan, yangi so‘yilgan quy, echki, buzoq, mol yoki kiyik, tog‘ echqisi kabi hayvonlarning go‘shtidan tayyorlanadi. Go‘sht lunda lunda (50-60 g li) qilib suyagi bilan kesib chopiladi va yaxshilab tuzlangach, olib qo‘yiladi. To‘g‘ralgan quy yog‘i qozonda eritiladi, jizzasi olingach, yaxshilab dog‘lanadi. Dog‘langan yog‘ga tayyorlab qo‘yilgan go‘sht solinib, obdan qovuriladi. Yaxshi qovurilgan go‘sht chovlida suzib olinib, xum, kuza yoki sirlangan kastryulkaga solinadi va ustiga qozondagi yog‘ qo‘yilib (go‘shtning ustiga qo‘yiladigan yog‘ go‘sht yuzasini 3- 4 sm qalinlikda yopib turishi shart), idish jipslab yopib qo‘yiladi.Shu usulda tayyorlangan go‘sht yozniig issiq kunlarida ham bir necha oy aynimay saqlanadi. Qovurdoq suyuq va kuyuq taomlarga ishlatilishi, shuningdsk salat, sabzavotlar va non bilan yaxna ovqat sifatida ists’mol qilinishi mumkin. Qovurdoqdan «xom sho‘rva» ham tayyorlash mumkin. Buning uchun kosaga mayda to‘g‘ralgan piyoz va qovurdoq go‘shtidan solib ustiga qaynoq suv qo‘yiladi. Qovurdoq uchun 1 kg go‘shtga 500 g dumba yog‘i, 1 oshqoshiq tuz kerak bo‘ladi.

Qovurma go‘sht, pomidor, sabzi, kartoshka va non solib pishiriladigan quyuq taom hisoblanib, uni tayyorlash uchun go‘sht lunda lunda qilib to‘g‘paladi, suyaklari chopiladi, piyoz xalka halqa, kartoshka, pomidor va sabzi esa parrak parrak qilib to‘g‘raladi. Qozonda yog‘ dog‘lanib, piyoz va go‘sht solib qovuriladi. Go‘sht qizargach, sabzi va pomidor (yoki to­matpasta), so‘ng kartoshka solib, yana qovuriladi. Masalliq yarimpishgach yuzi bilan barobar suv qo‘yiladi va mildiratib qaynatiladi. So‘ngra tuz va ziravorlar sepiladi. Taom pishishiga yaqin bo‘lakchalarga bo‘lingan tandir nondan (suvi qochgan, qattiq bo‘lsa yana yaxshi) qo‘shib, dimlab qo‘yiladi. Tayyor taom dasturxonga likopcha yoki laganda yuziga chopilgan oshko‘klar sepib tortiladi. 4-6 kishiliq qovurma tayyorlash uchun 500 g go‘sht, 500 g kartoshka, 200 g eF, 2-3 bosh piyoz, 2-3 dona sabzi, 3-4 dona pomidor (yoki 2-3 qoshiq tomatpasta), 300 g obinon, ta’bgako‘ratuzvaziravorlar

To‘g‘rama qovurmalar qovurilgan go‘sht quy yoki mol go‘shtidan olib, bosh barmoqning birinchi bug‘ini kattaligida to‘g‘raladi, yuziga mayin tuz sepiladi. Qozon yoki tovada quy yog‘ini eritib jizzasini olgandan so‘ng oq tutun chiqguncha dog‘lab, piyoz solib jazlanadi va go‘shtni tashlab, sirti qizarguncha aralashtirib qovuriladi. Qovurilgan go‘shtga jizzani qo‘shib, birikkib aralashtirgach, likopchalarga solib, yuziga qirqilgan kuk piyoz sepib dasturxonga qo‘yiladi. Yonboshiga yangi pomidor, bodring, rediska, turp yoki bosh piyozdan garnir qilib qo‘yiladi. Xoxishga qarab shu sabzavotlardan tayyorlangan salat berilsa ham bo‘ladi.

Masalliq: 1 kg quy yoki mol go‘shti, 200 gr dumba yog‘, 23 bosh piyoz, totimiga yarasha tuz. Garnir uchun ko‘rsatilgan sabzavotlarning bir xilidan yoki xar biridan assorti qilib, yoinki salat qilib berish ixtiyoriy ado etiladi.

Jigar buyrak qovurmasi. Jizzasi olingan yog‘ dog‘lanadi, bunga halka halqa qilib to‘g‘ralgan piyoz solib jazlagach, go‘sht qo‘shiladi. Buyrakni ikkiga yorib sirtidan pardasi olib tashlanib, hidi ketguncha yuviladi va mayda to‘g‘ralib, tuz sepiladi. Jigarni xuddi kabobga to‘g‘ragandek qilib kesiladi va buyrak bilan birga qozonga solinib, bir ikki kavlab katta kubik (3 sm³) shaklida to‘g‘ralgan kartoshka solib aralashtirib, tuz va murch sepiladida, bir oz suv qo‘shib, qozonni qopqog‘ini yopib olovini pasaytirib 10 minutcha kutilsa, pishadi. Dasturxonga tortishda laganga gumbaz qilib emas, bir qavatgina qo‘yilib, yuziga qirqilgan kuk piyoz yoki halqalab to‘g‘ralgan bosh piyoz solinadi.

Masalliq: 1 quyning jigari, 2 buyragi, 300 gr son go‘shti, 150 gr peshnob, 200 gr dumba yog‘i, 500 gr kartoshka, 34 bosh piyoz, tuz bilan murch va yuziga sepiladigan kuk piyoz ta’bga ko‘ra olinadi.

Qovurma tayyorlash jarayonini bajarishni mashq qilish.

Go‘shtni lunda lunda qilib kesasiz, yog‘ni kubik (2 sm³) usulda, piyozni xalka xalka, sabzini parrak parraq pomidorni tiliqlab to‘g‘rang. Jizzasi olingan yog‘ni oq tutuni chiqk;uncha dog‘laganingizdan so‘ng piyozni solib, aralashtirasiz, xali rangi uzgarmasdan turib go‘shtni solib kovurasiz. Seli chiqa boshlaganda pomidorni soling va kavlab turing. Pomidorning seli batamom chiqkanida qozondagi masalligni yuzi bilan barobar suv quyib, to go‘shti pishguncha mildiratib kdynatasiz, tuzini rostlaysiz, kdlampir yoki murch sepasiz. Go‘shtni kanday kesgan bo‘lsangiz, tandir nonini ham shunday kattalikda kesib qovurmaning seliga botirasiz, selini non emib olganda laganga suzib, yuziga qirqilgan kuk piyoz yoki kashnich (ukrop) sepib dasturxonga keltirasiz. Aslida bu taomni qattiq nondan tayyorlagan ma’qul. Qattiq yoki suvi krchgan non bilan tayyorlaganda suv bir oz ko‘proq qo‘yiladi va non batamom yumshaganda dasturxonga tortiladi.

Masalliq: 500 gr go‘sht, 23 bosh piyoz, 150 gr yog‘, 2 dona sabzi, 34 dona pomidor, sishda 2 out soshigida tomat pastasi, 2 ta o‘rtacha kattalikdagi non (400 gr), tuz, Qalampir va oshko‘k ta’bga qarab olinadi.

Kabob - go‘sht, jigar, buyraq dumba, charvi va boshqa masalliqlardan kur (tandir, qozon, qura)da pishirib tayyorlanadigan taom. Kaboblar masallig‘lari va pishirish usuliga ko‘ra six kabob, titrama kabob, qozon kabob, tandir kabob, qiyma kabob, parranda kabob, pomidor kabob, dumbul kabob, charvi kabob kabi turlarga bo‘linadi.

Burlama six kabob. Qo‘y yoki mol go‘shtining lahm qismlari olinib, lunda lunda qilib to‘g‘raladi. Go‘shtga mayda to‘g‘ralgai piyoz, murch, sirka, zira va kashnich ypyg‘i aralashtiriladi. Masalliq chinni yoki sirlangan idishga solinib 4-5 soat salqin erga bostirib qo‘yiladi. Go‘sht yaxshi sirkalangach, 5-6 bo‘lakdan sixga o‘tkaziladi, so‘ng qasqonning lappaklari olib tashlanib, ostki lappagiga sixlar tikka qilib terib chiqiladida, qopqog‘i zich berkitilgan holda 1 soat davomida bug‘lab pishiriladi Bu kabob chug‘da pishirilgan kabobga nisbatan ancha lazzatli va tez hazm bo‘ladi. Tayyor kabob dasturxonga sirka qo‘shilgap piyoz, qirilgan turp yoki nordon anor va piyozdan tayyorlangan salat bilan beriladi.

Bunday kabob uchun 1 kg go‘sht, 2 bosh piyoz, 1 choyqoshiqdan tuz, kalampir, kashnich urug‘i, zira va 4-5 oshqoshiq uzum sirkasi kerak bo‘ladi.

Six kabob. Qo‘y go‘shtining laxm qismlari va dumbadan olib, 10-12 gramm keladigai lunda lunda bo‘laklarga bo‘lib, mayda to‘g‘ralgai piyoz, tuz, kalampir (murch), kashnich urug‘i, zira, uzum sirkasi (anor yoki limon suvi) bilan aralashtiriladi. Masal­liq yaxshi aralashtirilgach, sirlangan yoki chinni idishga solinib, bir necha soat (4 soatdan 24 soatgacha) salqin joyda saqlanadi. So‘ngra go‘sht sixlanadi, ya’ni har bir sixga 5-6 bo‘lakdan go‘sht o‘tkazilib (sixning uchida yog‘ bo‘lishi kerak), quradagi toshkumir yoki pista kumir chug‘iga avval bir tomoni, so‘ng ikkinchi tomoni quyib pishiriladi. Tayyor kabob pomidor, sirka qo‘shilgan piyoz, bodring yoki salat bilan dasturxonga tortiladi.

Six kabob uchun 1 kg go‘sht, 2-3 bosh piyoz, 1 choyqoshiq tuz, 4 oshqoshiq uzum sirkasi (anor yoki limon suvi) va ta’bga ko‘ra ziravorlar ke­rak bo‘ladi.

Titrama kabob. Quy go‘shti son va qovirg‘a qismlari 50-60 grammli bo‘laklarga bo‘linadi va tuz sepib bostirib qo‘yiladi. To‘g‘ralgan piyoz, pomidor, bo‘laklarga ajratilgan sarimsoq va oshko‘klar (rayhon, jambil, kashnich, ukrop) aralashtirilib, go‘sht qiymalagichdan o‘tkaziladi. Hosil bo‘lgan kuk massa go‘sht bilan mijg‘ib aralashtiriladi, tuyilgan murch va zira qo‘shiladi. Shu tariqa tayyorlangan go‘sht sixlanib, yuziga un (jo‘xori uni, bo‘lsa yana yaxshi) sepiladi va ko‘rada pishiriladi.

Titrama kabob uchun 2 kg go‘sht, 2 bosh piyoz, 1 bosh sarimsoq, 2 dona po­midor, 1 bog‘dan jambil, rayhon va ukrop, 2 bog‘ kashnich, ta’bga ko‘ra tuz, qalampir hamda zira kerak bo‘ladi.

Qiyma kabob tayyorlashda yog‘liq quy go‘shti bilan piyoz go‘sht qiymalagichdan 2 marotaba o‘tkazilgach, tuxum chaqib solinadi, tuz va qalampir aralashtiriladi. Qiymadan 50-60 grammli kiftalar hosil qilinib, uzunasiga sixga o‘tkaziladi. Kifta betiga un sepiladi va chug‘da pishiriladi.

Tayyor kabob sirka qo‘shilgan piyoz yoki salat bilan dasturxonga tortiladi.

Qiyma kabob uchung 1 kg lahm go‘sht, 3 bosh piyoz, 1 dona tuxum, 3- 4 qoshiq un, ta’bga ko‘ra tuz va qalampir kerak bo‘ladi.

Qozon kabobni tayyorlashda yog‘liq quy yoki mol (yoxud parranda) go‘shti lunda lunda qilib to‘g‘raladi va tuz sepib olib qo‘yiladi. Parrak parrak qilib to‘g‘ralgai piyozga ukrop yoki kashnich qo‘shiladi. Qozonga avval bir qavat go‘sht (yoki parranda go‘shti), ustidan piyoz, yana bir qavat go‘sht, so‘ng yana piyoz solib tuldirilgach, qopqog‘i zich qilib berkitiladida, sust olovda 2 soat davomida pishiriladi. Qozonga bitta qalampir solinsa, ta’mi yaxshiroq bo‘ladi. Dasturxonga pomidor, sirka qo‘shilgan piyoz va bodring bi­lan tortiladi.

Qozon kabob uchun 700 g go‘sht, 500 g piyoz, 1 bog‘dan ukrop va kashnich, 1 ta qalampir va ta’bga ko‘ra tuz solinadi.

Hasip kabobni tayyorlash jarayonida asosan 10-15 sm qilib kesilgan qo‘y ichagiga qiyma tuldirib ikki tomoni mahkam bog‘lanadida, issiq sixlarga bittadan o‘tkazilib ko‘rada pishiriladi. Hasip kabob yorilib ketmasligi uchun ustiga sariyog‘ surtib turish lozim. Tayyor kabob sixdan olinib, likopga 2 donadan quyib anor va piyozdan tayyorlangan salat bilan dasturxonga tortiladi. Hasip kabobning qiymasi quyidagicha tayyorlanadi: quy go‘shti dumba va piyoz bilan go‘sht qiymalagichdan o‘tkaziladi (yoki chopiladi). Qiymaga ozgina namakob va murch qo‘shib aralashtiriladi.

Hasip kabob uchun 1 quyning ichagi, 700 g son go‘shti, 200 g dumba, 2- 3 bosh piyoz, 1 choyqoshiq murch, ta’bga ko‘ra tuz, yuziga surtish uchun 50 g sariyog‘ kerakbo‘ladi.

Dimlama go‘sht yoki baliq va sabzavotlardan dimlash usuli bilan tayyorlanadigan taom. Dimlama xushxur, engil hazm bo‘ladi, chunki dimlash usuli bilan tayyorlangan taom tarkibidagi foydali moddalar (vitaminlar, mineral va qand moddalari hamda xushbo‘y hid va maza beruvchi ekstraktivmoddalar» saqlanib qoladi. Dimlamaning bir necha tarlari bor: go‘sht dimlama, oshqovoq dimlama, sabzavot dimlama va boshqalar.

Go‘sht dimlamani pishirishda go‘sht va dumba lunda lunda qilib to‘g‘raladi, suyaklar ham 2-3 sm uzunlikda chopiladi, so‘ngra mayda to‘g‘ralgan piyoz, tuz va ziravorlar bilan qorishtiriladi. Qizdirilgan qozonga avval yog‘, keyin suyaq so‘ngra to‘g‘ralgan go‘sht qavat qavat qilib solinadi. Har qavatiga dafna yaprog‘i, tuyilgan murch, ukrop solish tavsiya etiladi. Taom qopqog‘i zich berkitilgan qozonda (bug‘i chiqib ketmasligi uchun atrofiga sochiq urab qo‘yiladi) 40 minut davomida dimlab pishiriladi.

Go‘sht dimlama uchun 2 kg go‘sht, 2 kg piyoz, 100 g yog‘, 5-6 dona dafna yaprog‘i, 2 bog‘ ukrop, ta’bga ko‘ra tu­yilgan murch, tuz kerak bo‘ladi. Ba­liq dimlama ham go‘sht dimlama kabi tayyorlanadi, faqat 2 kg go‘sht urniga 2 kg baliq (laqqa, sazan, zog‘ora kabilar) solinadi.

Oshqovoq dimlama tayyorlashda oshqovoq pu­choq va urug‘idan tozalanadi, kata kichikligi gugurt kutisidek qilib to‘g‘raladi, so‘ngra yuziga tuz sepib sariyog‘da bir oz qovuriladida, ustidan suyuqroq qaymoq quyib, juda sust olovda 30 minut davomida dimlab pishiriladi.

Behili dimlama yog‘liroq go‘sht lunda lunda qilib to‘g‘raladi. Qovurg‘alari chopiladi, tuz va zira sepib aralashtiriladi. Behining nordon xili yaxshilab yuvilgach, ypyg‘i olib tashlanadida, qalinligi 1 sm keladigan qilib to‘g‘raladi. Masalliq qizitilgan qozonga bosiladi va yuzi bilan barobar suv qo‘yilib, qozonning qopqog‘i zich qilib berkitiladi. Taom sust olovda 1 soat davomida dimlab pishiriladi. Go‘sht, behi likopchada, sardagi piyolada dasturxonga tortiladi.

Behili dimlama uchun: 2 kg yog‘li Qo‘y go‘shti, 1 kg behi, ta’bga ko‘ra tuz, ziravor va oshko‘klar kerak bo‘ladi

Qiyma dimlama taomini tayyorlashda yog‘sizrok quy yoki mol go‘shtining son qismidan tayyorlanadi. Buning uchun go‘shtni «chumchuq tili» qilib to‘g‘rash, yoki qiymalash zarur. Qiymaga tuz, zira va murch sepib, 1/3 nisbatida olingan piyozni mayin to‘g‘rab mijg‘iylanadi va olib quyib turiladi. Sarimsoq piyozning uzun uzun tanasidan olib, yaxshi yuvib, uzunligi 4 - 5 sm keladigan qilib qirqiladi. Tovada yoki qozonda yog‘ni dog‘lab, qiymani solib, kavlab kavlab, chala qovuriladi, ustidan bir piyola suv sevalab, sarimsok tanasini solib aralashtirib dimlab qo‘yiladi. Olovini darhol pasaytirib, 40 minutchadan so‘ng taom tayyor bo‘ladi. Likopchalarga taqsimlab dasturxonga tortasiz. Alohida idishda sabzavot garniri yoki salat berasiz, shishachada uzum sirkasi ham qo‘yiladi.

Masalliq: 1 kg laxim go‘sht, 300 gramm (4 - 5 dona piyoz), 150 gramm quy yog‘i, 4 bog‘ sarimsoq tanasi, 1 choy qoshig‘ida zira, tuz esa ta’bga ko‘ra olinadi.

Ajabsanda taomi bug‘da pishiriladi. Buning uchun katta va kichik xajmli 2 ta idish (qozon yoki kastryulka) kerak. Kartoshkani archib kubik (1 sm3) shaklida to‘g‘rang, sabzini xuddi palovga to‘g‘ragandek somoncha usulida, pomidorni tiliq tiliq yoki parrak parrak qilib, piyozni xalka xalka qilib to‘g‘raladi, sarimsoq esa donalarga ajratasiz. Go‘sht bilan yog‘ bosh barmoqning birinchi bug‘imi kattaligida lunda lunda qilib kesiladi. Achchiq va chuchuk kalampirlardan mayda to‘g‘rab, qirqilgan kashnich bilan ukropga aralashtirib qo‘yiladi. Endi kichik idishning ichiga bir qatlam qilib kartoshkani olinadi, buning uziga loyiq tuz va murch hamda maydalab qo‘yilgan oshko‘klardan sepiladi. Ikkinchi qatlam qilib sabzi solinadi, buni ham tuz namagini rostlanadi, uchinchi qatlamiga pomidor bo‘laklari solinadida, oshko‘klar va tuz sepiladi, to‘rtinchi qatlamda piyoz, beshinchi qatlamida sarimsoq oltinchi qatlamida esa go‘sht bilan yog‘ bo‘ladi. Kichik idishni katta idish ichiga urnatib, idishlar oralig‘idagi bushlikka suv qo‘yiladi. Taom shu suvning bug‘iga pishadi. Suvni kichik idish labidan ancha pastroq satxda qo‘yiladi, toki sharaqlab qaynaganda masalliq ichiga tushmasin. Kichik idishning og‘zi ochiq katta idishning qopqog‘ini jips yopib olovga qkyiladi. Idish doim yopiq turgani uchun ba’zi darmondorilar va ifori moylar uchib ketib, g‘oyib bo‘lmaydi, shu sababli ham taom g‘oyat totli va foydali bo‘ladi. Pishish muddati 2 soat. Agar suvi kamayib qolsa, bemalol ochib oraliqqa qaynoq suvdan quyib qo‘yiladi. Ajabsanda qancha uzoq qaynasa (masalan, 5 soatcha) shuncha lazzatli bulaveradi. Bu tansiq taom ko‘p vaktni olmaydi, faqat Masalliqlar to‘g‘rab solib qo‘yilsa buldi, uzi pishaveradi. Tayyor taom kosalarga suzib dasturxonga tortiladi, solingan Masalliqlardan xar porsiya idish ichiga tushishiga xarakat qilinadi.

Ajabsanda tayyorlashning ikkinchi usulida barcha sabzavotlar, go‘sht va yog‘ xuddi yuqorida aytib utilgandek qilib to‘g‘rab tayyorlanadi. Biroq hamma masalliqni bir idishga emas, balki mexmonlarning soniga qarab bittadan kosaga qavatlab joylanadi va buni kosasi bilan kattaroq mantikasqon lappaklariga quyib pishiriladi. Dasturxonga shu kosaning uzida ostiga likop qo‘yib tortiladi.

Masalliq: 2 - 3 dona kartoshka, 2 - 3 dona sabzi, 3 - 4 dona pomidor, 2 - 3 bosh piyoz, 2 dona chuchuk garmdori, 1 achchiq vachuchuk qalampir, bir bosh sarimsoq, 1 bog‘ kashnich, 1 bog‘ ukrop, 500 gramm go‘sht, 200 gramm quy yog‘i, zira va tuz ta’bga ko‘ra olinadi.

Tandir barra o‘zbek milliy taomlaridan hisoblanib uni tayyorlash uchun asosiy moslama qo‘ldan yasalgan tandir o‘choq va quy go‘shti hamda archa, zirovorlar kabi massaliqlar kerak bo‘ladi. Tandir barra ko‘proq tuy, bazm va yig‘ilishlarda ziyofat dastukxoniga tortish uchun tayyorlanadi. Tandir barra O‘zbekistonning Qashqadaryo va Sukxondaryo viloyatlarida tuy va yig‘in mehmon lari uchun tansiq milliy taom sifatida dasturxonga tayyorlab tortiladi. Shuningdek Samarqand, Jizzax, Buxoro viloyatlarini ayrim Urgut, Zomin, Forish, Qo‘shrabod, Nurota, Nurobod, Shofikuron va boshqa tumanlarida o‘zbek milliy tansiq taomlari qatorida shodiyona tuy hashamlarida tayyorlanadi.

Tandir barra tayyorlash uchun yonbag‘ir erdan diametri 1 metr, chuqurligi 1,5 metr keladigan ura chuqur qazilib tandir quriladi. Tandir ichi guvala g‘ishtlar kattaligidagi toshlar bilan aylantirib urib chiqiladi.Tandirga atrofidagi toshlar qiziguncha alov yoqiladi. Yangi so‘yilgan qo‘y go‘shti olinib, unga tuz va ziravorlar sepilib, archa shoxlari qadalib, tandir ichiga maxsus tayyorlangan (qattiq yog‘och yoki metal) sixsimon simlarda osiladi. Tandir ostida to‘plangan cho‘g‘ ustiga go‘shtni tayyor bo‘lish mobaynida undan tomgan yog‘ tomib yig‘ilishi uchun katta misdan yasalgan tog‘ora joylashtiriladi. Tog‘ora atrofiga archaning yashil barglaridan tashlanadi. Tandir atrofi va usti tunuka tog‘ora bilan yaxshilab yopilib,atrofi loy bilan suvoq qilinadi. Tandir barra taomi tandirda tayyor bo‘lishi uchun chamasi uch soatlar dimlab qo‘yiladi. Uch soatdan keyin tandir ochilib, joylashtirilgan va endigina dimlash natijasida pishgan go‘shtlar sekin olinadi va uncha chuqur bo‘lmagan yoziq tovoqlarga qo‘yilib dasturxonga tortiladi. Tandir barra milliy taomini tayyorlash mobaynida kuyib ketmasligi, chala pishmasligi, tuz va ziravorlar meyoridan oshmasligi kerak.

Tandir kabob kabobning bir turi bo‘lib, Qadimiy milliy tansiq taomlardan hisoblanadi. Ushbu milliy tansiq taomni tayyorlash uchun moslama sifatida tandir va yog‘sizroq bo‘lgan qo‘y yoki mol go‘shti hamda tuz, murch, tuyilgan zira aralashmasi kerak bo‘ladi. Tayyorlash jarayoni qo‘yidagicha bajariladi. Qo‘y yoki mol go‘shtining yog‘sizroq qismidan qalinligi 2-3sm, eni 5-10sm.li 100-150 gramli bo‘laklar kesilib 0,5%li tuz namakobiga 30 minut botirib qo‘yiladi. Betiga un, murch va tuyintirilgan zira aralashmasidan tayyorlangan urvoq sepiladi va olov yoqib qizdirilgan tandirga yopiladi hamda taom massalig‘i qizarguncha pishiriladi. Go‘sht massalig‘i qizargach, tandirdagi chug‘ni tandirning o‘rtasiga to‘plab,betini kul bilan yopiladi. So‘ngra tandirning qoqog‘i yopilib 10 -15 minut dimlanadi. Shundan so‘ng tandir ochilib pishgan go‘shtlar olinadi va tovoqlarga suzilib dasturxonga tortiladi. Tandir kabobni tayyorlashda Go‘sht kuyib ketmasligi, chala pishmasligi, murch, un, tuz va ziravorlar meyoridan oshmasligi kerak.

Tandir kabob uchun 600-700 g go‘sht; urvoq uchun 3-4 oshqoshiq un, 1 choyqoshiq murch va tuyilgan zira kerak bo‘ladi, namakob ta’bga ko‘ra tayyorlanadi.

Jigardan ham xuddi shu usulda «tandir kabob» tayyorlash mumkin. Buning uchun jigar nisbatan qalinroq kesilib, pishirish oldidan namakobga solinmaydi.

Tandir yoki uchoq kummasi qadimiy milliy tansiq toamlardan hisoblanib, uni tayyorlash uchun tandir yoki uchoq moslamalari va yog‘li laxm (suyaklari mayda bo‘lgan)quy yoki mol go‘shti hamda tuz, piyoz, sarimsoq piyoz, qalampir va ziravorlar hamda saksovul yoki kumir (kul olovi uzoq turadigan) kerak bo‘ladi. Go‘sht olinib mayda bo‘lakli qilib to‘g‘raladi va o‘rtacha maydalikda to‘g‘ralgan piyoz, sarimsoq piyoz, qalampir, tuz va ziravorlar bilan marinad qilinadi. Marinad qilingan masalliq o‘rtacha qallinlikdagi qog‘ozga urab joylashtiriladi va uralgan qog‘oz ko‘p miqdordagi iplar bilan mahkamlanib bog‘lanadi. Mahkamlanib bog‘langan masalliq tandir uchoqichidagi chala yonib bo‘lgan (ko‘mir kulida yaxshi pishadi) kulga ko‘mib qo‘yiladi. Kumilgan kumma chamasi 30-35 minutlarda uzidan yoqimli va xushbo‘y ozuqa hidi tarata boshlaydi. Shundan so‘ng taxminan 35 minutlarda ko‘mma kuldan olinib ochiladi hamda tovoq idishlarga qo‘yilib daturxonga tortiladi.

Mustahkamlash uchun savollar:

1. To‘g‘rama qovurmalarni ayting.

2. Jigar buyrak qovurmasi haqida ayting.

3. To‘g‘rama qovurmalarni tayyorlash bo‘yicha gapiring.

4. Go‘sht dimlama.

5. Qiyma dimlama taomini tayyorlash.

6. Jigar kabob qanday tayyorlanadi.

7. Tandir barra tayyorlash haqida gapiring.

8. Tandir kabob haqida ayting.

9. Marinad qilingan masalliqlar va texnologoyasi haqida gapiring.